Պենետիկտոս ԺԶ Սրբազան Քահանայապետի Գործունէութիւնը

Ուրբաթ 8 յունիս 2012-ի առաւօտեան ժամը 11.15 անց` Պենետիկտոս ԺԶ Սրբազան Հայրը իր գրասենեակի մէջ ընդունեց Սրիլանքայի Հանրպետութեան Նախագահ Տիար Մահինտա Րաժաբաքսա ու անոր ընկերացող շքախումբը։
Այս երրրորդ անգամն է որ Սրիլանքայի Նախագահը Վատիկանի մէջ կը հանդիպի Սրբազան Հօր։ Տիար Մահինտա Րաժաբաքսա Պուտտայական կրօնի կը պատկանի ու առաջին անգամ վատիկանը այցելած էր 2007ին ու ապա 2008-ի դեկտեմբերին։
Սրիլանքայի բնակչութեան մեծամասնութիւնը (70 առ հարիւր) կը պատկանի Պուտտայական կրօնին, 15 առ հարիւրը ինտու կրօնի հետեւորդներ են մինչ քրիստոնեաներն ու մահմետականները հաւասար կերպով բնակչութեան 15 առ հարիւրը կը կազմեն ։

Ժամը 11.45 Սրբազան Քահանայապետը ունկնդրութիւն շնորհեց Նոր Կինէի եպիսկոպոսական համահաւաք դասի եպիսկոպոսներուն որոնք հռոմ ժամանած են իրենց հնգամեայ կանոնական այցելութիւնը կատարելու Սուրբ Պետրոսի յաջորդին։ Իսկ յետ միջօրէի ժամը 18ին Նորին Սրբութիւնը ընդունեց եպիսկոպոսներու Ժողովի կառավարիչը` Կարտինալ Մարք Ուելլէն որ յառաջիկայ 10- 17 յունիս, որպէս Սրբազան Քահանայապետի յատուկ նուիրակ, պիտի գլխաւորէ Տուպլինի Ամենասուրբ Հաղորդութեան միջազգային 50րդ Գիտաժողովը։