Беларусь прыме найбуйнейшую экуменічную сустрэчу ў Еўропе
Беларусь стане гаспадаром
адной з самых буйных экуменічных сустрэч Еўропы: тут у 2014 г. пройдзе IV Каталіцка-праваслаўнага
форум. Рашенне аб гэтым было прынята 7 чэрвеня ў Лісабоне на заканчэнне трэцяга экуменічнага
спаткання. Паводле Мітрапаліта Тадэвуша Кандрусевіча, які прымаў удзел у гэтым мерапрыемстве,
выбар Беларусі для правядзення такога прэстыжнага форуму, “з’яўляецца прызнаннем на
еўрапейскім узроўні добрых праваслаўна-каталіцкіх адносін у Беларусі і знакам павагі
да краіны”. Падобныя форумы праводзяцца раз на два гады чаргова ў краінах з праваслаўнай
і каталіцкай большасцю. Запрашэнне правясці сустрэчу ў Беларусі ў 2014 г. даслаў Мітрапаліт
Мінскі і Слуцкі, Патрыяршы Экзарх усяе Беларусі Філарэт. Гэта ініцыятыва была падтрымана
Мітрапалітам Мінска-Магілёўскім Тадэвушам Кандрусевічам.
Правядзенне сустрэч
каталіцкіх і праваслаўных іерархаў Старога Кантыненту для абмеркавання актуальных
грамадскіх праблем пачалося ў 2008 г, калі каталіцка-праваслаўны форум прымаў італьянскі
Трэнта. Яго тэмай была “Сям’я: дабро для чалавецтва”. Другая па ліку сустрэча прайшла
на грэцкім востраве Родас у 2010 г. Яго ўдзельнікі разважалі аб адносінах паміж Цэрквой
і дзяржавай. Сёлетні форум у Лісабоне быў прысвечаны тэме эканамічнага крызісу і беднасці
ў Еўропе. Тэма мерапрыемства ў Мінску і дакладная дата яго правядзення будуць устаноўлены
пазней.