Бэнэдыкт ХVI: няхай Чэмпіянат Еўропы па футболе спрыяе пабудове мірнага грамадства
З нагоды распачацця
Чэмпіянату Еўропы па футболе, які пачнецца 8 чэрвеня ў Польшчы і на Украіне, Бэнэдыкт
ХVI скіраваў спецыяльнае пасланне да старшыні Канферэнцыі Каталіцкіх Біскупаў Польшчы,
арцыбіскупа Юзэфа Міхаліка. Святы Айцец адзначыў, што ў гэтай спартыўнай падзеі ўдзельнічаюць
не толькі арганізатары, спартсмены і балельшчыкі, але розным чынам і ў розных праявах,
усё грамадства. “Таксама і Касцёл не застаецца абыякавым да гэтай падзеі, асабліва
ў забеспячэнні духоўных патрэбаў тых, хто ўдзельнічае ў ёй. З падзякай я прыняў інфармацыі,
што падчас гэтых гульняў адбудуцца катэхетычныя сустрэчы, малітвы і св. Імшы”, - напісаў
Папа.
Бэнэдыкт ХVI узгадаў бл. Яна Паўла ІІ, які сказаў, што спартыўныя мерапрыемствы
спрыяюць пабудове грамадзянскай супольнасці, у якой супрацьстаянне замяняецца здаровай
канкурэнцыяй, а канфлікты замяняюцца мірнымі спартыўнымі сустрэчамамі. “Камандныя
віды спорту, асабліва футбол, з’яўляюцца важнай школай у выхаванні пачуцця павагі
да іншага, асабліва да спартыўнага праціўніка, у духу асабістай ахвярнасці на карысць
дабра ўсёй каманды, праз павышэнне якасці кожнага элементу, які яе стварае. Адным
словам, у пераадоленні логікі індывідуалізму і эгаізму, якімі часта характарызуюцца
чалавечыя адносіны”, - напісаў Святы Айцец і дадаў, што спартыўныя мерапрыемствы павінны
спрыяць логіцы братэрства і любові, на ўсіх узроўнях, будуючы сапраўднае супольнае
дабро.
На завяршэнне свайго паслання Папа заклікаў усіх, хто займаецца арганізацыяй
Чэмріянату Еўропы, каб ён стаў выразам самых высакародных цнотаў, духу міру і шчырай
радасці. “У малітве я давяраю Богу душпастыраў, валанцёраў, футбалістаў, балельшчыкаў
і ўсіх тых, хто займаецца падрыхтоўкай і добрым правядзеннем Чэмпітянату”, - напісаў
у завяршэнне свайго паслання Бэнэдыкт ХVI.