Komisioni i BE-së miraton propozimin e ri për shpëtimin e bankave: nuk do të paguajnë
më klientët
Komisioni Evropian miratoi sot propozimin e ri për shpëtimin e bankave, me të cilin
sigurohen klientët se nuk do të paguajnë kurrë për ndonjë falimentim të mundshëm të
institucioneve të kreditit. Sipas direktivës së Komisionit, bankat, vështirësitë e
të cilave nuk rrezikojnë sistemin kombëtar, ose ndërkombëtar të ekonomisë, do të lihen
të falimentojnë. Ato, që mund ta lëkundin rëndë qëndrueshmërinë e tregut, do të shpëtohen
përmes fondeve, të dala nga investimet e vetë bankave, por nuk do të detyrohen taksapaguesit
të japin para shtesë. Kështu theksoi sot komisari evropian për tregun e brendshëm,
Mishel Barniè. Gjithsesi, propozimi nuk do të hyjë në fuqi më parë se viti 2018, prandaj
nuk i ndihmon aspak bankat spanjolle, që kanë kërkuar tani ndihmën e Brukselit. Ndërsa
Madridi përpiqet të shpëtojë bankat e veta, bëhen të njohura statistika shqetësuese:
nga viti 2008 deri në vitin 2011, shtetet evropiane kanë shpenzuar 4.500 miliard euro
për të ndihmuar bankat në krizë. Edhe Gjermanisë i lëkunden themelet ekonomike. Agjensia
Moody’s ka ulur “rating” për gjashtë banka gjermane dhe për Unicredit Bank, e kontrolluar
nga gjermanët.