Այսօր Երեւան Կը Ժամանէ ԱՄՆ Պետական Քարտուղար Հիլըրի Քլինթըն ։ Քլինթըն Կովկասի մէջ
Յունիս 4-7 (Հայաստան ,Վրաստան, Ատրպէյճան եւ Թուրքիա) ։
Այսօր Երեւան կը ժամանէ ԱՄՆ պետական քարտուղար Հիլըրի Քլինթըն, որ իր շրջայցը սկսաւ Մայիս
31-ին, եւ որ պիտի շարունակուի մինչեւ Յունիս 7։ (Ան այցելեց ` Դանիա, Նորվեկիա,
Շուէտ, այսօր Հայաստան, ապա՝Վրաստան, Ատրպէյճան եւ Թուրքիա): ԱՄՆ պետական քարտուղարութեան
հաղորդագրութեան համաձայն` Հայաստանի մէջ Քլինթըն կը հանդիպի նախագահ Սերժ Սարգսեանի,
բարձրաստիճան այլ պաշտօնեաներու, քաղաքացիական հասարակութեան ներկայացուցիչներուն հետ: Կ’ակնկալուի,
որ ԱՄՆ պետական քարտուղարը ՀՀ ղեկավարութեան հետ կը քննարկէ տարածաշրջանային անվտանգութեան,
ժողովրդավարութեան, տնտեսական զարգացման ու ահաբեկչութեան դէմ պայքարի մասին հարցեր: Յիշեցնենք,
որ Հիլըրի Քլինթընի այցին ընդառաջ քաղաքագէտ Սերգէյ Շաքարեանց անցեալ շաբաթ ըսած էր,
որ ԱՄՆ պետական քարտուղար Հիլըրի Քլինթըն, հնարաւոր է, ի շարս այլ հարցերու, քննարկէ
նաեւ «հազարամեակի մարտահրաւէրներ» ծրագրի աւարտին կամ վերսկսման առնչուող հարցեր: Հայաստանէն
ԱՄՆ պետական քարտուղարը կը մեկնի Վրաստան, իսկ Յունիս 6-ին` Ատրպէյճան, ուր հանդիպում
կ'ունենայ այդ երկրի նախագահ Իլհամ Ալիեւի հետ: Հիլըրի Քլինթընի շրջագայութեան վերջին
հանգրուանը կը հանդիսանայ Թուրքիան, ուր Յունիս 7-ին ան կը մասնակցի ահաբեկչութեան դէմ
պայքարին նուիրուած համաժողովին, որ տեղի պիտի ունենայ Պոլսոյ մէջ: ԱՄՆ պետական քարտուղարը
այնտեղ պիտի հանդիպի թուրք բարձրաստիճան պաշտօնեաներու հետ եւ պիտի քննարկէ՝ Սուրիոյ
եւ Իրանի հայող խնդիրները: