Кангрэгацыя Веравучэння крытычна аб кнізе амерыканскай законніцы
Кангрэгацыя Веравучэння
дала ацэнку кнізе сястры Маргарэт Фарлі “Проста кахаць. Асновы хрысціянскай сексуальнай
этыкі”, выдадзенай у Нью-Ёрку у 2006 г. Змест дадзенай кнігі не адпавядае навучанню
Каталіцкага Касцёла і сеіць непаразуменні сярод вернікаў. Законніца з’яўляецца загадчыцай
кафедры этыкі Ельскага ўніверсітэта і вядомым спецыялістам у сферы каталіцкай тэалогіі.
Менавіта таму Кангрэгацыя вырашыла правесці экспертызу публікацыі. Камісія спецыялістаў
яшчэ 8 чэрвеня 2011 г. прыйшла да высновы, што кніга папулярызуе памылковыя погляды,
што можа толькі пашкодзіць вернікам. Аўтару публікацыі быў дасланы адпаведны каментар,
у якім былі пералічаны памылкі, і прапанавана далейшае выпраўленне тэксту. Змены зроблены
былі, але не пацягнулі за сабой выпраўлення сур’ёзных памылак. Тэкст характарызуецца
некарэктным успрыняццем каталіцкага навучання, якое прадстаўляецца толькі як адно
з магчымых меркаванняў, і грубымі памылкамі ў тлумачэнні маральных асноў. Такое стаўленне,
паводле Кангрэгацыі Веравучэння, не можа быць ніякім чынам апраўдана, тым больш у
кантэксце экуменічнай пазіцыі, якую спрабуе прадставіць сястра Фарлі. Большасць інфармацыі
ў кнізе прадстаўлена як асабістае меркаванне, без уліку аўтарытэту навучання Касцёла.
Кніга дае скажонае прадстаўлення аб натуральных маральных законах; такі падыход
не адпавядае каталіцкай тэалогіі. Напрыклад, у кнізе сцвярджаецца, што мастурбацыя
не з’яўляецца праблемай маральнага характару і больш дапамагае ў адносінах, чым наносіць
шкоды; што гомасексуальныя саюзы могуць быць апраўданы. Таксама аўтар дазваляе сабе
гаварыць аб магчымасці разрыву сакрамэнту сужэнства у выпадках, калі абставіны і самі
людзі змяняюцца; пра неабходнасць разводу і магчымасць новага сужэнства.
Сваёй
ацэнкай Кангрэгацыя Веравучэння выражае глыбокі смутак, што кансэкраваная асоба выказвае
пазіцыю поўнасцю супрацьлеглую каталіцкаму навучанню ў пытаннях сексуальнай маралі.
Таксама Кангрэгацыя інфармуе вернікаў, што кніга “Проста кахаць. Асновы сексуальнай
этыкі” не адпавядае дактрыне Касцёла і не можа быць выкарыстана ў духоўным, маральным
і асветніцкім кантэкстах.