Сваю салідарнасць
са Святым Айцом, у сувязі з апошнімі сумнымі падзеямі, выказала Аб’яднанне італьянскіх
каталіцкіх юрыстаў. Старшыня асацыяцыі Франчэска Д’Агосціно і яе касцёльны кансультант
кардынал Франчэска Кокопальмерыа заявілі, што італьянскія юрысты-католікі “яднаюць
свой голас з іншымі асацыяцыямі свецкіх католікаў, выражаючы сваю любоў і блізкасць
Святому Айцу ў гэтыя цяжкія гадзіны, а таксама сваю поўную ўпэўненасць, што таксама
і з гэтага выпрабавання Касцёл выйдзе ачышчаным”. Яны выказалі спадзяванне, што расследванне
дазволіць праліць святло на тое, што адбылося, і аднавіць спакой унутры хрысціянскай
супольнасці.