Պենետիկտոս ԺԶ Սրբազան Քահանայապետի Գործունէութիւնը։

Երկուշաբթի 28 մայիս 2012-ի առաւօտեան ժամը 11ին Նորին Սրբութիւնը իր գրասենեակի մէջ ընդունեց Գոսթարիքայի Նախագահ` Տիկ. Լաուրա Ջինջիլլա Միրանատան ու անոր ընկերացող պատուիրակութիւնը։ Հուսկ ընդունեց Մալդայի Արքեպիսկոպոս` գերապայծառ Փօլ Գրէմոնան որուն կ՛ընկերանայաին Մալթայի երբեմնի Արքեպիսկոպոս գերապայծառ Ժոզէֆ Մէրչիէքա եւ Կոծօ ու Ճիպիլթէրրայի թեմերու արքեպիսկոպոսները, գերապայծառ Մարիօ Կրէք եւ գերապայծառ Րալֆ Հէսքէթ, Սուրբ Պետրոսի յաջորդին իրենց կատարած կանոնական հնգամեայ այցելութեան առթիւ։
Նշենք որ Սրբազան Քահանայապետը այսօր կը տօնախբէ իր եպիսկոպոսական օծման 35րդ ամեակը ։Արդարեւ Ան եպիսկոպոս օծուած է 28 մայիս 1977ին եւ նոյն տարուայ յունիս 2ին Պօղոս Զ Սրբազան Քահանայապետը անոր շնորհած էր Կարտինալական տիտղոսը։