Бэнэдыкт XVI прыняў на аўдыенцыі Прэзідэнта Коста-Рыкі
28 мая Бэнэдыкт XVI
прыняў на аўдыенцыі Прэзідэнта Рэспублікі Коста-Рыка Лаўру Чынчылья. Затым прэзідэнт
гэтай цэнтральнаамерыканскай краіны сустрэлася з дзяржсакратаром Тарчызіо Бэртонэ
і Дамінікам Мамбэрці, Сакратаром па адносінах з дзяржавамі, паведамляе Заля Друку
Апостальскай Сталіцы. Падчас сустрэчы падкрэсліваліся добрыя адносіны, якія склаліся
паміж Святым Пасадам, Касцёлам і дзяржавай і выказвалася надзея на далейшае ўмацаванне
краіны праз супрацоўніцтва паміж свецкімі і касцёльнымі структурамі. “Узгадвалася
аб асаблівым ўкладзе, які быў здзейснены праз яго адукацыйныя, сацыяльныя і дабрачынныя
ўстановы. Падчас перамоваў была падкрэслена важнасць працягвання абароны фундаментальнай
годнасці чалавека ад моманту зачацця”, - гаворыцца ў спецыяльным паведамленні Залі
Друку.