Papa Benedikti XVI priti në audiencë Presidenten e Kosta-Rikës
Sot paradite në Vatikan, më 28 maj 2012, Presidentja e Republikës së Kosta-Rikës,
Zonja Laura Chinchilla Miranda, u prit në Audiencën nga Shenjtëria e Tij Benedikti
XVI e, më pastaj, është takuar me Sekretarin e Shtetit të Vatikanit, hirësinë e tij
kardinalin Tarçizio Bertone, shoqëruar nga Sekretari për Marrëdhëniet me Shtetet,
shkëlqesia e tij imzot Dominique Mamberti. Gjatë bisedimeve të përzemërta, janë
nënvizuar marrëdhëniet e mira që ekzistojnë ndërmjet Selisë së Shenjtë, Kishës dhe
Shtetit e u shpreh vullneti dhe urimi për përforcimin e mëtejshëm me një Marrëveshje
në respektimin e identiteti të Vendit e të autonomisë së shëndosh dhe bashkëpunimit
ndërmjet Autoriteteve civile e atyre kishtare. Pastaj, në mënyrë veçantë është përmendur
kontributi që Kisha ofron, përmes institucioneve të saj edukative shoqërore e bamirëse.
Së fundi, gjatë bashkëbisedimeve, u fol mbi rëndësinë e vazhdimit të mbrojtjes së
dinjitetit themelor të njeriut që nga ngjizja e tij.