Në Vatikan, Lëvizja për Përtëritjen në Shpirtin Shenjt, në audiencë me Papën
Dje, në Sheshin e Shën Pjetrit në Vatikan, kryetari i Konferencës Ipeshkvnore të Italisë,
kardinali Anxhelo Banjasko kremtoi Meshën për 40-vjetorin e lindjes së Lëvizjes për
Përtëritjen në Shpirtin Shenjt. Pasi u lutën, nga ora 9.00 deri në 10.00, pjesëmarrësit,
që e kishin mbushur sheshin plot e përplot, duke kënduar e duke dëshmuar përvojën
e tyre të fesë, morën pjesë në meshë, në fund të së cilës u takuan me Papën Benedikti
XVI, në audiencë të veçantë. Presidenti italian i Lëvizjes, Salvatore Martinez përshëndeti
Atin e Shenjtë, në mes të entuziazmit të të rinjve të pranishëm.