Այվազովսկիի Ծննդեան 195-Ամեակը Ուքրանիոյ Մէջ Պիտի Նշուի Պետական Մակարդակով։

Ուքրանիան Յուլիս 17-ին պետական մակարդակով պիտի նշէ ականաւոր ծովանկարիչ Յովհաննէս Այվազովսկիի ծննդեան 195-ամեակը: Ըստ Analitika.at.ua-ի՝ համապատասխան որոշման օգտին քուէարկած է Գերագոյն Ատեանի 297 պատգամաւորներ: Նախարարներու պալատին յանձնարարուած է երկշաբաթեայ ժամկէտի մէջ ստեղծել ձեռնարկի նախապատրաստման եւ իրականացման հարցերով կազմակերպչական կոմիտէ:

Ձեռնարկի ծիրէն ներս երկրի թանգարաններուն եւ գրադարաններուն մէջ տեղի պիտի ունենան ցուցահանդէսներ` նուիրուած արուեստագէտի կեանքին ու գործունէութեան:Պետական «ուքրփոսթ»ին յանձնարարուած է թողարկել տարեդարձին նուիրուած փոսթային նամականիշեր:
Յովհաննէս Այվազովսկին ծնած է 1817-ին, Ղրիմի Թէոտոսիա քաղաքին մէջ, հայ առեւտրականի ընտանիքի մէջ: Աւարտած է Ուքրանական Սիմֆերոփոլ քաղաքի կիմնազիան, իսկ յետագային ոսկէ մետալով` Ս. Փեթերզպուրկի Գեղարուեստի Ակադեմիան: Եղած է Ռուսական Կայսրութեան պատուաւոր ծովակալը, Ռուսաստանի Կայսերական Ակադեմիայի անդամ, յայտնի է իր ծովանկարներով, որոնք կը կազմեն իր ստեղծագործութիւններուն աւելի քան կէսը:
Այվազովսկի Մահացած է 5 Մայիս 1900-ին: