Бэнэдыкт XVI сустрэўся з членамі руху “Аднаўленне ў Святым Духу”
26 мая Бэнэдыкт XVI
сустрэўся з 30 тыс. членаў руху “Аднаўленне ў Святым Духу”, які прыбылі на аўдыенцыю
з Папам з усёй Італіі. Нагодай для гэтай пілігрымкі стала ўрачыстае святкавання 40-годдзя
арганізацыі. Звяртаючыся да прысутных на плошчы св. Пятра ўдзельнікаў руху Папа падзякаваў
ім за “падтрымку ў распаўсюджванні Божага Валадарства і будаванні хрысціянскай супольнасці,
ўмацоўваючы адзінства з наступнікам св. Пятра, душпастырамі і ўсім Касцёлам”. Пантыфік
падкрэсліў, што апостальская дзейнасць членаў супольнасці вельмі паспрыяла ўзрастанню
духоўнасці ў касцёльным і сацыяльным жыцці краіны, праз шляхі навяртання, якія прывялі
многіх людзей да глыбокага аздараўлення праз Божую любоў, а таксама дапамаглі многім
сем’ям перажыць крызісныя моманты. Акрамя таго, Папа падзякаваў за шматлікія пакліканні
да святарства і кансэкраванага жыцця, якія нарадзіліся ўнутры руху. “Дарагія сябры,
працягвайце сведчыць аб радасці веры ў Хрыста, прыгажосці быцця вучнямі Езуса, моцы
любові Яго Евангелля вызваленага ў гісторыі, а таксама аб непараўнальнай радасці,
якую кожны вернік можа перажыць у Касцёле дзякуючы прыступанню да сакрамэнтаў і пакорнай
рэалізацыі харызматаў, якія паводле апостала Паўла, павінны заўсёды выкарыстоўвацца
для супольнага дабра”, - адзначыў Святы Айцец. Папа звярнуў увагу на неабходнасць
будавання супольнага жыцця на фундаменце Божага Слова, станавіцца больш дарослымі
ў веры, надзеі і любові. “Дарослы, паводле Еванглелля, гэта не той хто не падпарадкоўваецца
нікому і не мае патрэбу не ў кім. Быць дарослым, гэта значыць сталым і адказным, можа
толькі той, хто становіцца маленькім, пакорным і слугой перад Богам”, - сказаў Пантыфік.