Генеральны сакратар
Сусветнай Рады Цэркваў Олаф Твейт і прынц Газі Бін Мухамад з Іярданіі прыбылі ў гэтыя
дні з дэлегацыяй хрысціянскіх і мусульманскіх кіраўнікоў ў Нігерыю, дзе апошнім часам
назіраецца рост гвалту, што пагражае адносінам двух рэлігійных суполак, асабліва на
поўначы краіны. У паведамленні Сусветнай Рады Цэркваў адзначаецца, што сумесны візіт
хрысціянскіх і мусульманскіх лідэраў закліканы не толькі садзейнічаць спыненню гвалту,
але і даць прыклад міжканфесійнага супрацоўніцтва ў мэтах спрыяння міру і гармоніі
сярод людзей розных рэлігій.
“Дзякуючы Богу, мы тут,каб дапамагчы і зразумець
нігерыйцаў, іх праблемы, і каб убачыць, якім чынам краіне могуць дапамагчы міжнародныя
і рэлігійныя арганізацыі” – адзначыў прынц Газі. 23 і 24 мая дэлегацыя наведала Кадуна
і Джос на поўначы Нігерыі, тыя раёны, якія моцна пацярпелі ад гвалту з боку ўзброенай
групоўкі "Бока Харам". Дэлегаты сустрэліся з прадстаўнікамі ўрада, рэлігійнымі лідэрамі,
сем'ямі, якія сталі ахвярамі гвалту, каб атрымаць аб’ектыўную інфармацыю аб рэальнай
сітуацыі ў краіне.
У заяве Сусветнай Рады Цэркваў нагадваецца, што ідэя
сумеснага супрацоўніцтва паміж хрысціянамі і мусульманамі ў сувязі з сітуацыямі гвалту
з'явіліся ўпершыню ў 2007 годзе. У 2010 годзе група з 60 рэлігійных лідэраў сустрэліся
па хрысціянска-мусульманскага праблематыцы ў Жэневе, дзе і была заключана дамоўленасць,
каб працаваць сумесна ў сітуацыях канфлікту.