Нападаючы “Чэлсі” упэўнены, што Бог паспрыяў перамозе каманды ў Лізе Чэмпіёнаў
Кіраўнік аддзелу “Касцёл
і Спорт” Папскай рады па справах свецкіх кс. Кэвін Ліксі падзякаваў нападаючаму “Чэлсі”
Дзідзье Драгба за яго стаўленне да Бога і рэлігіі ў сваёй спартыўнай кар’еры. “Апостальская
Сталіца і Святы Айцец патрабуюць такіх спартсменаў, бо яны з’яўляюцца ўзорам для пераймання
для іншых”, - заявіў кс. Ліксі. Ён адзначыў, што “калі зоркі спорту дзякуюць Богу
за свае таленты, гэта добра адлюстроўваецца на маладых людзях, якія захапляюцца імі”.
Драгба і яго каманда заваявалі Кубак Лігі Чэмпіёнаў, галоўны еўрапейскі трафей,
19 мая ў матчы з “Баварыяй”.
Пасля гульні 34-гадовы Драгба сказаў: “Гэта быў
лёс, я лічу, што многае прадвызначана. Я шмат маліўся. Я быў упэнены ў гэтым даўно.
Бог цудоўны”.
Кс. Ліксі лічыць, што ў такіх выпадках “няма прамой сувязі паміж
перамогай і малітвай”, але ён упэўнены, што спартсмены-хрысціяне “даюць больш за іншых
у камандзе, і маюць лепшыя адносіны з таварышамі па камандзе”.