Сённяшняя “L’Osservatore
Romano” падкрэслівае, што ІІ Ватыканскі Сабор стаў зваротным пунктам у сусветнай сферы
камунікацыі і паспрыяў фарміраванню ў СМІ стаўлення да так званай “рэлігійнай інфармацыі”.
Выданне адзначае, што адносіны паміж Касцёлам і журналістамі былі заўсёды складанымі.
“Касцёл і СМІ часта маюць розныя мэты, паміж імі існуе канфлікт адносна агульных і
прыватных інтарэсаў, і не заўсёды ёсць узаемаразуменне адносна поглядаў Касцёла на
вечнасць і актуальную сітуацыю ў свеце”, - адзначае “Osservatore”.
Газета
падкрэслівае, што інфармацыя сённяшніх СМІ на рэлігійную тэматыку, нажаль, далёкая
ад стандартаў, якія склаліся ў 1960-ыя гады, падчас прац Сабора. Сёння, калі мы жадаем
знайсці ў СМІ праўдзівую інфармацыю, часта трэба шукаць яе у спецыялізаванай мясцовай
прэсе. Магутныя інфармацыйныя сеткі даюць няпоўную інфармацыю, шукаючы выключна сенсацый,
адзначае ватыканскае выданне.
“L’Osservatore Romano” звяртае ўвагу, што напрыклад
у Італіі існуе больш за 3 тыс. каталіцкіх газет і часопіў, сярод якіх 190 дыяцэзіяльных
штотыднёвікаў, якія публікуюць інфармацыю на прафесійным узроўні, прычым яна датычыць
як унутранага жыцця Касцёла, так і пытанняў грамадскіх.
“Калі Касцёл хоча
выкарыстоўваць СМІ у сваёй дзейнасці і жадае прысутнічаць у сферы сродкаў масавай
камунікацыі – павінен добра зразумець, што СМІ дзейнічаюць у грамадстве сучасным”,
- заключае “L’Osservatore Romano”.