Shqipëria mori sot kryesinë e Këshillit të Europës
Shqipëria mori sot në dorë kryesinë e Këshillit të Evropës. Në Strasburg, në mbledhjen
e Komitetit të Ministrave të Këshillit të Evropës, Ministri shqiptar i Punëve të Jashtme,
Edmond Haxhinasto, mori simbolikisht çelësat e presidencës dhe paraqiti përparësitë
e semestrit shqiptar. Tirana do të vazhdojë punën e presidencës britanike të deritanishme,
sidomos përsa i përket reformës së Gjykatës për të Drejtat e Njeriut dhe decentralizimit
të pushtetit. Ndërkaq, kontributi i veçantë i Shqipërisë, që e fillon kryesinë
e Këshillit të Evropës me moton “Të bashkuar në diversitet”, ka të bëjë me promovimin
e vlerave si toleranca, dialogu ndëretnik, ndërfetar e ndërkulturor, me veprimtari
të rëndësishme në Strasburg e në Tiranë. Gjithashtu, qeveria e Tiranës dëshiron të
nxisë marrëdhënie të mira në rajonin ballkanik, me synim kryesor bashkëpunimin më
të ngushtë të Kosovës me strukturat evropiane. Është hera e parë që Shqipëria
merr kryesinë e Këshillit, që nga anëtarësimi i saj në të, më 13 korrik 1995. Periudha
e presidencës fillon sot, më 23 maj dhe përfundon më 9 nëntor 2012. Pas mbledhjes,
në Starsburg, u zhvillua një ceremoni festive, gjatë së cilës u ekspozuan objekte
me vlerë të trashëgimisë kulturore dhe artistike shqiptare. Kështu, zyra e shtypit
e MPJ-me shqiptare bëri të ditur se për herë të parë pas 17 vitesh anëtarësim, Shqipëria
do të drejtojë Komitetin e Ministrave të 47 vendeve anëtare, një hap ky që shënon
rritjen e imazhit të Shqipërisë në Evropë dhe prestigjin e saj për të drejtuar organizata
ndërkombëtare të këtyre përmasave. Simbolikisht sekretari britanik William Hague
i dorëzoi zv.Kryeministrit dhe Ministrit të Punëve të Jashtme, Edmond Haxhinasto çelësin
e presidencës së radhës. Ceremonia u parapri nga takimi i rregullt i Komitetit
të Ministrave, i fundit i drejtuar nga Britania e Madhe, ku u diskutua mbi politikat
e Këshillit të Evropës ndaj rajoneve fqinje dhe kontributi i saj ndaj këtyre demokracive
të reja. Më pas u paraqitën arritjet dhe rezultatet e presidencës britanike nga
sekretari britanik Hague, ku reforma e Gjykatës ku gjykata e reformës së të drejtave
të njeriut përbënte një nga prioritetet kryesore të kësaj presidence. Më pas
në orën 11.55 minuta ministri Hague i dorëzoi çelësin e presidencë së radhës së këtij
komiteti, Zv.KRyeministrit dhe Ministrit të Punëve të Jashtme, Haxhinasto. Ministri
Haxhinasto mbajti një fjalë ku shpalosi prioritetet e presidencës shqiptare, që
do të udhëhiqet nga motoja: të bashkuar në diversitet. Haxhinasto u shpreh se
Shqipëria do të vazhdojë punën në përputhje me vijën e ndjekur më parë nga presidencat
ukrainase dhe britanike duke promovuar edhe më tej vlerat e kësaj organizate. Shqipëria,
tha Haxhinasto ka vendosur të ketë si prioritet të saj gjatë këtyre gjashtë muajve
dialogun ndërkulturor, edukimin e tolerancës veçanërisht për brezat e rinj dhe të
jetuarit së bashku. Haxhinasto theksoi se në Tiranë në nëntor, gjatë festimeve
të 100 vjetorit të pavarësisë , do të organizohet një konferencë e nivelit të
lartë ndërkombëtar mbi diversitetin ne Evropë dhe dialogun ndërkulturor. Pas përfundimit
të takimit të Ministrave të 47 vendeve anëtare, u zhvillua dhe ceremonia festive
e rastit. Zv.Kryeministri dhe Ministri i Punëve të Jashtme, Edmond Haxhinasto
i dhuroi Këshillit të Evropës, në emër të Shqipërisë , një kostum popullor tradicional
shqiptar, që u vlerësua jashtëzakonisht nga të pranishmit. Më pas fjalën e mori
sekretari i përgjithshëm i KiE, THobjorn Jagland i cili duke e pranuar me kënaqësi
dhuratën e çmuar të Shqipërisë , tha se ky kostum i kujton dhe veshjet e vendit të
tij, Norvegjisë , gjë që tregon se ka vlera të përbashkëta në kulturat mes vendeve
të Evropës dhe kjo e përforcon më shumë idenë e diversitetit dhe të të jetuarit
së bashku, që është dhe motoja e Shqipërisë . Më pas Jagland i uroi Shqipërisë
presidencë të suksesshme. Hinmi shqiptar i kënduar nga sopranoja Oriana Kurteshi
e shoqëruar në piano nga kompozitori Genc Tukici i dhanë një emocion të veçantë
ceremonisë së presidencës shqiptare. Më pas ministrat e 47 vendeve anëtare dhe
delegacionet që i shoqëronin u njohën me një pjesë të historisë shqiptare. Konkretisht
u prezantuan disa objekte të trashëgimisë kulturore shqiptare bizantine dhe pas
bizantine. Më pas të ftuarit shijuan produktet ushqimore shqiptare, verën dhe rakinë
tradicionale si dhe produkte të tjera. Pas takimit pati dhe një konference për shtyp.