ANCA-ի (Ամերիկայի Հայ Դատի Յանձնաժողով) Հեռուստամարաթօնին Առիթով Արամ Ա-ի Կոչը ։
Ամերիկայի Հայ Դատի Յանձնաժողովի (ԱՀԴՅ) Նուիրատւութեան հեռուստամարաթօնը վերջ գտաւ ,
որուն իբրեւ արդիւնք հաւաքուած է 2,2 միլիոն ԱՄՆ տոլար: Նախորդ անգամ` 2009-ին, եղած
էր մօտ 2,5 միլիոն տոլար նուիրատւութիւն: Արամ Ա. Վեհափառը իր Կոչին մէջ կ'ըսէ,- «Մենք
միայն պիտի չյիշենք, մենք միայն պիտի չյիշեցնենք, մենք միայն պիտի չնշենք: Մենք պիտի
պահանջենք: Մենք պահանջատէր ժողովուրդ ենք: 1,5 միլիոն հայեր կորսնցուցած ենք, 20-րդ
դարու առաջին ցեղասպանութիւնը կատարուած է մե'ր ժողովուրդին դէմ: Հազարաւոր եկեղեցիներ,
վանքեր, դպրոցներ, հիւանդանոցներ քանդուած են ցեղասպանին կողմէ: Այսօր մենք աշխարհին
կը ներկայանանք իբրեւ պահանջատէր ժողովուրդ: Հետեւաբար՝ նիւթապէս եկէք մասնակից դառնանք
այն առաքելութեան, որուն նպատակն է հայ ժողովուրդի պահանջատիրութիւնը Միացեալ Նահանգներու
մէջ եւ ամէն տեղ՝ աշխարհին ներկայացնել աւելի կազմակերպուած ձեւով: Թող Աստուած օրհնէ
ձեր բոլորը»: Ըսենք որ այս առիթով կոչ ուղղած է նաեւ ամերիկացի մոտէլ,ծագումով հայ
Քիմ Քարտաշեան։