21 мая Бэнэдыкт XVI
прызначыў арцыбіскупа Алессандро Д’Эррыко Апостальскім нунцыем у Харватыі. Да гэтага
часу дыпламат прадстаўляў Апостальскую Сталіцу ў іншых балканскіх рэспубліках – Босніі
і Герцагавіне і Чарнагорыі. Арцыбіскуп Д’Эррыко нарадзіўся ў 1950 г. у Італіі, у мястэчку
Фратамаджорэ, недалёка ад Неапаля. Святарскае пасвячэнне атрымаў у 1974 г. Затым пачаў
вучобу у Папскай Касцёльнай акадэміі – навучальнай установе, якая рыхтуе будучых дыпламатычных
прадстаўнікоў Святога Пасаду. 14 лістапада 1998 г. Ян Павел ІІ прызначыў яго Апостальскім
нунцыем у Пакістане і удзяліў яму біскупскую сакру. У 2005 г. арцыбіскуп Д’Эррыко
пачаў працу ў Босніі і Герцагавіне, а з 2010 г. адначасова з’яўляўся дыпламатычным
прадстаўніком Апостальскай Сталіцы ў Чарнагорыі.