Papa Benedikti XVI komunikimi shoqëror të mbështetët mbi dialogun e respektin.
Këtë të diel, më 20 maj, në solemnitetin e të Shëlbuemit, u kremtua Dita Botërore
e Komunikimeve Shoqërore, mbi temën ‘Heshtja e Fjala: udhë e ungjillëzimit”. Me rastin
e lutjes së Mbretëreshës Qiellore, dje në mesditë, në Sheshin e Shën Pjetrit në Vatikan,
Papa Benedikti XVI bëri thirrje që komunikimi e aktiviteti i mediave të jetë përherë
i bazuar mbi respektin, dialogun e dëgjimin. “Heshtja është pjesë përbërëse e komunikimit
– shtoi Ati i Shenjtë – është vend i privilegjuar për t’u takuar me Fjalën e Hyjit
e me vëllezërit e motrat tona”. “Ju ftoj të gjithëve – tha akoma Papa Ratcinger –
t’i luteni Zotit në mënyrë që komunikimi, në çdo formë të tij, të shërbejë gjithmonë
për të rivendosur me të afërmin (tjetrin) dialogun e vërtetë, bazuar mbi respektin
e anasjelltë, mbi dëgjimin dhe ndarjen e përbashkët”.