Պենետիկտոս ԺԶ Սրբազան Քահանայապետին Գործունէութիւնը։

Ուրբաթ 18 մայիսի առաւօտեան ժամը 11ին Պենետիկտոս ԺԶ Սրբազան Քահանայպետը ընդունեց Տիար Պրունօ Ժուպերի` Սուրբ Աթոռի մօտ ֆրնասայի նոր դեսպանի հաւատարմագրերը։
ապա ժամը 11.30-ին ընդունեց Իտալիոյ Եպիսկոպոսաց Համահաւաք դասի նախագահը Կարտինալ Անճէլօ Պանիասքոն, որմէ ետք ալ՝ ժամը 12-ին ունկնդրութիւն շնորհեց Միացեալ Նահանգներու եպիսկոպոսաց համահաւաք դասէն Արեւելեան ծէսի պատկանող 15 եպիսկոպոսներուն, որոնք Հռոմ ժամանած են հնգամեայ կանոնական այցելութիւն կատարելու Սուրբ Պետրոսի Յաջորդին։ Նշենք որ եպիսկոպոսներու շարքին Սրբազան Հօր հետ հանդիպում ունեցաւ նաեւ՝ ՝ Արհիապատիւ Միքայէլ եպ. Մուրատեան՝առաջնորդը Միցաեալ Նահանգներու եւ Գանատայի Կաթողիկէ հայոց։

Նորին Սրբութիւնը, ապա յետ միջօրէին՝ իր գրասենեակի մէջ ընդունեց, Հաւատոյ Ժողովի կառավարիչ Կարտինալ Ուիլլիամ Ժոզէֆ Լէվատան։