Роля кнігі ў духоўнай
культуры. Гэтай тэме былі прысвечаны Міжнародныя Кірыла-Мятодаўскія чытанні. Сёння,
у апошні дзень канферэнцыі, прайшлі дыскусіі аб парафіяльных бібліятэках, рэстаўрацыі
старажытных кніг, духоўнай літаратуры ў свецкай адукацыі. Больш за 60 навукоўцаў з
Беларусі, Расіі, Украіны, Польшчы, Балгарыі, Сербіі і Германіі прыбылі на форум. Адчыніў
яго, па традыцыі, Мітрапаліт Філарэт, Патрыяршы Экзарх усея Беларусі, у ім узяў удзел
таксама арцыбіскуп Глаўдыё Гуджэроцці, Апостальскі нунцый у Беларусі. У апошнія гады
“чытанні” уздымалі розныя праблемы – эканамічны крызіс, міссію глабальнай сеткі Інтэрнэт.
Але ў Беларусі – 2012 аб’яўлены Годам кнігі, а таму абысці гэту тэму было немагчыма.
Тым больш, што менавіта хрысціянская кніга – “Псалтыр” Францішка Скарыны –
паклала аснову ўсёй справе кнігадругавання. Гэта з гісторыі. А ў сучаснасці – Святое
Пісанне да гэтай пары з’яўляецца самай папулярнай кнігай у свеце. І з якімі б праблемамі
не сутыкаласа чалавецтва, адказы ўжо даўно прапісаны менавіта ў Бібліі – аб гэтым
у сваім дакладзе казаў дырэктар Інстытута Усходніх Цэркваў айцец Альберт Раух з Рэгенсбурга.
“Я кажу аб сувязі чалавека з прыродай і пачынаю са слоў песнапення Францішка з Асізі,
які называе сонца і луну – братам і сястрой. Усё на свеце, ад солнца да чалавека –
роднае. У Бібліі сказана, што чалавек павінен абараняць зямлю, захоўваць яе, таму
што гэта воля Бога”, - адзначыў ён.
Якое месца займае хрысціянская літаратура
ў гісторыі, увогуле, якой павінна быць сучасная духоўная кніга? Гэты форум вось ужо
18 год з’яўляецца добрай пляцоўкай для чалавечых, навуковых і міжканфесійных дыскусій
– адзначыў першы прарэктар Інстытута тэалогіі БДУ епіскап Серафім. “Перш за ўсё –
гэта месца для сустрэчы – філолагаў, тэолагаў, у якіх вельмі шмат агульнага”, - адзначыў
ён.
Так, яшчэ лягчэй пазнаць адзін аднаго – прадстаўнікам розных канфесій,
ці, напрыклад, адной канфесіі, але з розных краін, ці нават знайсці агульную мову
навукоўцу і тэолагу. Вялікая роля кнігі, тым больш духоўнай, у культуры і адукацыі
– бясспрэчная. Але яшчэ больш важна, калі ўбіраючы ў сябе веды з літаратурных крыніц,
чалавек сам становіцца кнігай. Жывой. Якую цікава чытаць.