Папа пажадаў новаму Прэзідэнту Францыі захоўваць духоўныя і маральныя каштоўнасці
Бэнэдыкт ХVI павіншаваў
Франсуа Аланда са ўступленнем на пасаду Прэзідэнта Французскай Рэспублікі. Святы Айцец
запэўніў, што просіць Бога дапамагаць новаму кіраўніку дзяржавы ў захаванні высакародных
маральных і духоўных традыцый. Папа спадзяецца, што Францыя працягне намаганні “па
пабудове справядлівага і братэрскага грамадства, адкрытага на свет і салідарнага з
найбольш беднымі народамі”, а таксама застанецца ў Еўропе “фактарам міру і актыўнай
салідарнасці ў пошуку агульнага дабра, павагі да жыцця і, што ня менш важна, чалавечай
годнасці кожнага”. Бэнэдыкт ХVI запэўніў, што з нагоды абрання новага Прэзідэнта,
просіць у Бога благаслаўлення для кіраўніка дзяржавы і ўсіх жыхароў Францыі.