Кангрэгацыя Веравучэння разгледзела адказ лефебрэстаў
Заля Друку Апостальскай
Сталіцы паведаміла, што 16 мая Кангрэгацыя Веравучэння правяла сваю чарговую сесію,
падчас якой было абмеркаванае пытанне адносін з Брацтвам св. Пія Х. У паведамленні
адзначаецца, што быў разгледжаны змест адказу, які Кангрэгацыя Веравучэння атрымала
17 красавіка 2012 г. ад генеральнага настаяцеля Брацтва св. Пія Х біскупа Бернарда
Фэлле на “дактрынальную прэамбулу”, якую, як прапанову поўнага адзінства з Апостальскай
Сталіцай, перадаў лефебрыстам у верасні 2011 г. кардынал Уільям Левада, прэфект Кангрэгацыі
Веравучэння і кіраўнік Камісіі “Ecclesia Dei”. “Падчас пасяджэння былі прыняты некаторыя
заўвагі адносна адказу, якія будуць абмяркоўвацца падчас далейшых кансультацый паміж
Святым Пасадам і Брацтвам св. Пія Х”, - адзначаецца ў паведамленні.
Акрамя
таго, падкрэсліваецца , што статус трох біскупаў Брацтва св. Пія Х, якія адмоўна ставяцца
да поўнага адзінства з Апостальскай Сталіцай, будзе разглядацца асобна.