13 мая ў французскай
Ніцы на 106 годзе памёр самы пажылы каталіцкі біскуп у свеце, в’етнамскі іерарх Нгуэн
Ван Т’ен. Ён нарадзіўся 13 сакавіка 1906 г. Святарскае пасвячэнне прыняў у 1932 г.
Папа Ян ХХІІІ у 1960 г. прызначыў яго біскупам в’етнамскай дыяцэзіі Він Лонг. Іерарх
прымаў удзел у працах ІІ Ватыканскага сабора. У 1968 г. па прычыне цяжкай хваробы
быў вымушаны пакінуць В’етнам і з 1985 г. пражываў у Ніцы, дзе з’яўляўся канонікам
мясцовай катэдры. Біскуп Нгуэн Ван Т’ен будзе пахаваны ў Ніцы.