Սանթա Քալոմա Տէ Կրամենեթ Քաղաքի Խորհուրդը Հայոց Ցեղասպանութիւնը Դատապարտող Բանաձեւ
Մը Որդեգեց։
Սպանիոյ Հայ Դատի Յանձնախումբը կը տեղեկացնէ, որ Պարսելոնայի Սանթա Քալոմա Տէ Կրամենեթ
քաղաքի խորհուրդը 4 մայիս, 2012-ին, միաձայնութեամբ բանաձեւ մը ընդունած է` դատապարտելով
Թուրքիոյ կողմէ հայերուն դէմ գործադրուած ցեղասպանութիւնը: Խորհուրդին նիստին ներկայ
եղած են Սպանիոյ մէջ գործող հայկական կազմակերպութեանց ներկայացուցիչները եւ անդամները,
որոնք բարձրացուցած էին Ցեղասպանութենէն նկարներ եւ պաստառներ: Բանաձեւը քուէարկուած
է՝ Խորհուրդը կազմող բոլոր կուսակցութիւններուն կողմէ: Բանաձեւի որդեգրումէն ետք հայկական
կազմակերպութիւնները կոչ ուղղեցին Սպանիոյ կեդրոնական իշխանութիւններուն առնելու ճիշդ
քայլը, որն է` պետական մակարդակով ճանչնալ եւ դատապարտել Հայոց Ցեղասպանութիւնը, այնպէս,
ինչպէս ըրած են երկրի Պալէարեան կղզիներու (դեկտեմբեր 2010), Քաթալոնիոյ (Մարտ 2010)
եւ Պասքերու երկրի (ապրիլ 2007) շրջանային խորհրդարանները` հիմնուելով «Հայկական հարցին
քաղաքական լուծում տալու» Եւրոպական Խորհրդարանի 1987-ի բանաձեւին վրայ: