Філіпінскія біскупы падтрымалі Акіна ў канфлікце з Кітаем
У канфлікце паміж
Кітаем і Філіпінамі за рыф Скарборо ў Паўднёва-Кітайскім моры, Каталіцкі Касцёл на
Філіпінах прыняў бок Прэзідэнта Беніньі Акіна. “Лічым, што мы павінны абараніць наш
суверэнітэт, каб паказаць, што мы любім нашу краіну”, - заявіў 11 мая старшыня Канферэнцыі
Біскупаў, арцыбіскуп Хасэ Пальма. Ён таксама заклікаў да спынення канфлікту дыпламатычнымі
сродкамі. І Кітай, і Філіпіны заяўляюць аб сваім праве на рыф Скарборо. Каля двух
гектараў зямлі ў цяперашні час належаць да Філіпін. Эксперты з абедзвюх краін мяркуюць,
што там знаходзяцца запасы нафты і газу.
Эскалацыя канфлікта наступіла ў красавіку,
калі кітайскія караблі прадухілілі арышт філіпінскімі марскімі службамі кітайскага
рыбалоўчага судна, якое знаходзілася каля спрэчнага рыфу. Канфлікт працягваецца, 11
мая падчас дэманстрацыі ля пасольства Кітая ў Маніле абураныя філіпінцы спалілі кітайскі
сцяг.