Ватыканскі іерарх: гандаль людзьмі па даходах на другім месцы пасля гандлю зброяй
8 мая ў Ватыкане прайшла
канферэнцыя, прысвечаная дзейнасці Касцёла супраць гандлю людзьмі, якую арганізавала
Канферэнцыя Біскупаў Англіі і Уэльса ў супрацоўніцтве з Папскай радай “Iustitia et
Pax”. Старшыня ватыканскай дыкастэрыі кардынал Пэтэр Тарксан у сваёй прамове падчас
форума адзначыў, што сёння ў свеце ахвярамі гэтай драматычнай з’явы з’яўляюцца мільёны
асоб. Гандаль людзьмі, па даходах крымінальнага рынку, знаходзіцца на другім месцы
пасля гандлю зброяй, паведаміў іерарх. Кардынал падкрэсліў, што адны нацыянальныя
законы і міжнарордныя пагадненні, хоць у іх ёсць неабходнасць, не могуць перамагчы
гэта зло, – патрэбныя перш за ўсё змена ментальнасці і навяртанне сэрца.
“Неабходна,
каб кожная асоба добрай волі спрыяла пабудове больш справядлівага міжнароднага грамадскага
парадку, у якім беднасць і эканамічная недаразвітасць не будуць больш урадлівай глебай,
на якой ганляры людзьмі знаходзяць свае ахвяры”, - сказаў іерарх і адзначыў, што ў
гэтым католікі могуць несці значную дапамогу.
“Касцёл глыбока перакананы ў
роўнай годнасці кожнага чалавека і безупынна працягвае працаваць над тым, каб яна
была гарантавана ў кожных абставінах”, - падкрэсліў кардынал Пэтэр Тарксан.