Ինտոնեզիոյ Կաթողիկէները Եւ Մահմետականները, Միասնաբար Կ'աշխատին Միջկրօնական Խաղաղութեան
Ի Խնդիր, Շնորհիւ՝ Սանթ Էճիտիոյի Հասարակութեան Միջամտութեան։
Սանթ Էճիտիօ կաթողիկէ հասարակութիւնը, մայիս մէկին համաձայնագիր մը ստորագրած է Ինտոնեզիայի
''մուհամատիա'' կոչուած իսլամական Բ. կազմակերպութեան հետ, որուն մէջ նշուած է երկկողմանի
պատրաստակամութիւնը, միասնաբար համագործակցելու՝ միջկրօնական երկխօսութեեան, հանդրժողութեան
մշակոյթի մը զարգացման, խաղաղ համակեցութեան, ընդհարումները լուծման, խաղաղութեանն փնտռտուքի
ու մարդասիրական օգնութիւններու ի խնդիր։
Յայտնենք որ Սանթ Էճիտիօ-ն, աշխարհականներու
կաթողիկէ կազմակերպութիւն մըն է, հիմնուած Հռոմի մէջ` 1968-ին, փրոֆ. Անտրէա Ռիքքարտիի
կողմէ։ Անոր գլխաւոր նպատակներէն է. Պայքարիլ աղքատութեան դէմ, օգնութեան հասնիլ ընչազուրկերուն,
աշխատիլ օրէնսդրական մահապատիժի ջնջումի ի նպաստ ու կլոր սեղաններ կազմակերպել միջկրօնական
երկխօսութեան ի խնդիր։ Միջազգային գետնի վրայ վերոյիշեալ կազմակերպութիւնը բազմաթիւ միջամտութիւններ
կատարած է զանազան երկիրներու մէջ ինչպէս. Մոզամպիքի, Քոսովոյի ու Կեդրոնական Ափրիկէի
մէջ։