Рэктар семінарыі ў Гродна прызначаны Ганаровым капеланам Святога Айца
6 мая Апостальскі
нунцый у Беларусі арцыбіскуп Клаўдыё Гуджэроцці абвясціў, што два святары прызначаны
Ганаровымі капеланамі Святога Айца. Гэта кс. Юзаф Станеўскі і кс. Лешэк Дамагала,
- паведамляе сайт Каталіцкага Касцёла ў Беларусі catholic.by. Кс. Юзаф Станеўскі з’яўляецца
рэктарам Вышэйшай духоўнай семінарыі ў Гродна. Ён нарадзіўся ў 1969 г. Пасля заканчэння
семінарыі ў 1995 г. атрымаў святарскае пасвячэнне з рук біскупа Аляксандра Кашкевіча.
Працаваў у парафіі св. Вацлава ў Ваўкавыску. Вывучаў кананічнае права ў Каталіцкім
універсітэце ў Любліне, а затым пачаў выкладаць у гродзенскай духоўнай семінарыі.
З 2005 г. з’яўляецца яе рэктарам.
Кс. Лешэк Дамагала 18 гадоў працаваў у Гродзенскай
дыяцэзіі, паспрыяў узнікненню санктуарыя Маці Божай Чэнстахоўскай у Капцёўцы і быў
яго кусташам. Цяпер святар працуе ў Польшчы.