Kriza ekonomike ndikon mbi zgjedhjet politike në Greqi: partitë tradicionale mezi arrijnë shumicën

Zgjedhjet politike të djeshme në Greqi, të kushtëzuara nga kriza e rëndë ekonomike, rrisin jashtëzakonisht pushtetin e së majtës radikale. E për herë të parë, një parti, e vetëdeklaruar si filo-naziste, hyn në Parlamentin Evropian. Partitë e mëdha tradicionale, Nea Dimokratia e Pasok, dënohen nga zgjedhësit për kontributin e tyre në krizën ekonomike të vendit, por sidomos për mbështetjen, që u dhanë masave të rrepta, të imponuara nga bashkësia ndërkombëtare. Të dyja bashkë, fitojnë 151 nga 300 vende në parlament, në një fitore, si ajo e Pirros, por që gjithsesi, u jep mundësinë të qeverisin së bashku. E ardhmja e Greqisë varet nga marrëveshjet ndërmjet këtyre partive, të cilat duhet të çojnë drejt një qeverie të bashkimit kombëtar, ku të bëjnë pjesë si e majta, ashtu edhe e djathta e moderuar.
Ndërkaq, mjafton të mungojë një deputet, për të mos votuar ligjet e kësaj shumice të çuditshme, nën kontrollin e së majtës radikale nga njëra anë, e cila është kundër masave të rrepta anti-krizë, por në favor të qëndrimit të Athinës në zonën e euros, e, në shënjestrën e së djathtës ksenofobe e filo-naziste, nga ana tjetër, që flet për kufi të minuar e masa të ashpra kundër emigrantëve.