У Ватыканскіх музеях
будуць гучаць музычныя творы славутых кампазітараў: Мусаргскага, Моцарта, Вівальдзі,
Бізэ, Гэндэля і інш. Гэта ініцыятыва працягнецца з 3 мая да 13 ліпеня і затым з 7
верасня да 26 кастрычніка. Аб такім рашэнні ў інтэрв’ю нашаму радыё расказаў дырэктар
Ватыканскіх музеяў прафесар Антоніо Паолуччы. У гэты час музеі будуць дзейнічаць па
незвычайным графіку – яны будуць адкрытыя да 23 гадзін вечара ў сувязі з вялікай колькасцю
турыстаў, якія прыбываюць у Вечны горад. Антоніо Паолуччы адзначыў, што працяглы графік
паказаў сваю эфектыўнасць на працягу мінулых гадоў.
“Прыходзіла многа людзей,
таму было вырашана паўтарыць гэты вопыт. У гэтым годзе ён будзе ўзбагачаны музыкай,
бо я знаходжу прыгожай ідэю падарыць начным наведвальнікам Ватыканскіх музеяў радасць
ад уз’яднання двух мастацтваў: фігуратыўнага – жывапісу і скульпуры, з музыкай. Моцарт
і Вівальдзі разам з Рафаэлем і Мікеланжэла. Такая нагода сапраўды кранае сэрца, хвалюе
і дорыць шчасце”, - сказаў прафесар Паолуччы.