Кс. Ламбардзі нагадвае аб важнасці паслання Папы да супрацоўнікаў паліклінікі “Джэмеллі”
Кс. Фэдэрыко Ламбардзі
нагадаў аб важнасці паслання Бэнэдыкта XVI, якое прыгучала падчас візіта Папы на факультэт
медыцыны і хірургіі універсітэта Найсвяцейшага Сэрца імя Агосціно Джэмеллі 3 мая.
Папа казаў аб тым, што “без любові, таксама і навука губляе сваю шляхетнасць”. “Багаты
сродкамі, але не мэтамі, чалавек нашага часу, амаль аслеплены эфектыўнасцю тэхнікі,
забываецца аб фундаментальным даляглядзе пытання аб сэнсе”, - нагадаў словы Пантыфіка
кс. Ламбардзі ў сваёй штотыднёвай рубрыцы на нашым радыё “Octava Dies”. “Яшчэ раз
Папа казаў аб даверы да разважлівасці і розума; казаў аб хрысціянстве, як “рэлігіі
Логаса”, якая не адносіць веру да сферы нерацыянальнага, але бачыць паходжанне і сэнс
усёй рэальнасці ў “творчым Розуме”. Адзінства розума і веры з’яўляецца гарантыяй надзейнасці
абодвух, у той час як іх раздзяленне вядзе да “этычнага абяднення”, што робіць няздольнымі
адрозніваць тэхнічна магчымае і маральна добрае і весці да дабра чалавецтва”, - адзначыў
езуіт.
Разважаючы над словамі Святога Айца кс. Ламбардзі нагадаў, што “навука
і даследванні ў галіне медыцыны, так звязаны ў клопаце аб чалавеку, што становіцца
асабліва відавочным, наколькі ў гэтай сферы неабходна кіраўніцтва любові, наколькі
патрэбна сувязь паміж навуковай дзейнасцю і поўным прысвячэннем сябе дабру чалавека;
чалавека, які пакутуе і знаходзіцца перад абліччам самых радыкальных пытанняў у сваім
жыцці”. “Такім чынам, “адданасць розума і сэрца становіцца знакам міласэрнасці Бога
і яго перамогі над смерцю”, - нагадаў словы Святога Айца кс. Ламбардзі. Ён заклікаў
таксама задумацца аб тым, ці можа існаваць больш мацнейшае натхненне для інтэлектуальнай
дзейнасці на карысць чалавека? “Нарэшце, чым іншым павінен заняцца розум?”, - пытаецца
кс. Ламбардзі.