Պենետիկտոս ԺԶ Սրբազան Քահանայապետին Այցելութիւնը Հռոմի Ճեմելլի Հիւանդանոցի՝ Վիրաբուժական
Սուրբ Սրտի Համալսարանը, Անոր Հիմնարկութեան 50ամեակին Առթիւ։
Հինգշաբթի 3 մայիսի առաւօտեան ժամը 11-ին, Պենետիկտոս ԺԶ Սրբազան Քահանայապետը այցելութիւն
կատարեց քահանայապետներու հիւանդանոց` Ճեմելլի բազմաբուժարանը` Սուրբ Սրտի անուան Կաթողիկէ
համալսարանի Բժշկական մանաճիւղի հիմնարկութեան 50-ամեակին առթիւ։ Վերոյիշեալ կաթողիկէ
համալիրը կը ներփակէ համալսարանական բժշկական մասնաճիւղ մը եւ բազմաբուժարան մը։ Ասիկա
Պենետիկտոս ԺԶ Սրբազան հօր` Քահանայապետական շրջանին սոյն հիւանդանոցը կատարած հինգերորդ
այցելութիւնն է։ Նորին Սրբութիւնը` որպէս Քահանայապետ այցելած էր Ճեմելլի հինւանդանոցը
5 օգոստոս 2005-ին այցելութիւն կատարելով իր քահանայ եղբօր։ Նոյն տարին Նորին Սրբութիւնը
բացումը կատարած էր կաթողիկէ համալսարանի ակադեմական տարւոյն։ 9 յունուար 2010-ին Սրբազան
Քահանայապետը ժամանած էր հիւանդանոց այցելելութիւն կատարելու Կարտինալ Էչիկարային որ`
ճրագալոյցի սուրբ պատարագին ընթացքին ոտքը կոտրած էր։ Իսկ 5 յունուար 2011-ին Պենետիկտոս
ԺԶրդ այցելած էր բազմաբուժարանի մանուկներու մասնաճիւղը։ Նշենք որ Ճեմելլի հիւանդանոցը
աշխարհառչակ դարձած էր, յաճախ ընդունելով ու խնամելով երջանկայիշատակ Յովհաննէս Պօղոս
Բ Քահանայապետը։ Պենետիկտոս ԺԶ Արբազան Քահանայապետի այսօրուայ այցելութիւնը կը զուգադիպի
նաեւ Բժշկական եւ Վիրաբուժական մասնաճիւղի նախաձեռնութեամբ կազմակերպուած <<հետազօտութեան
օր>> ծրագիրին որ ունի որպէս նիւթ <<Ուսումնասիրութեան նուիրուած կեանք մը, Ուսումնասիրութիւնը
ի նպաստ կեանքին>>։ Նախաձեռնութեան ընթացքին տեղի կ՛ունենայ ՅՊԲ.ի անուան մրցանակի
առաջին պարգեւատրումի արարողութիւնը որ այս տարի յատկացուած է <<Թէլէթոնին>>։