Ուքրանիոյ Նախկին Վարչապետի Դուստրն ու Ամուսինը Կ'ահազանգեն ։ Մերքել եւ Պարրոզօ Կրնան
՝՝Չմասնակցիլ՝՝ Էուրօ 2012-ի Ձեռնարկներուն։
Ուքրանիոյ նախկին վարչապետ, ազատազրկման դատապարտուած ու աւելի քան տասը օրէ ի վեր հացադուլի
դիմած Եուլեա Դիմոշենքոյի մտերիմները յայտարարած են, որ ան մահամերձ է:
«Քանի
մը օր եւս ու ան կը մահանայ» ըսած է Դիմոշէնքոյի դուստրը Փրակի մէջ կայացած ասուլիսի
ժամանակ ։ Ժամանակը կ'անցնի: Չեմ գիտեր, թէ մայրս որքան կրնայ հացադուլ ընել, հինգ կամ
տասը օր տակաւին »(ըսած է ան) : Օրեր առաջ Դիմոշենքօ, ըստ հարազատներուն, բանտէն հիւանդանոց
տեղափոխման ժամանակ ծեծի ենթարկուած է եւ կորսնցուցած գիտակցութիւնը: Ասիկա յառաջացուցած
է միջազգային հանրութեան խիստ դժգոհութիւնը: Միւս կողմէ Ուքրանիոյ մէջ կայանալիք
Էուրօ-2012-ի Ոտնագունտի խաղերու նուիրուած ձեռնարկներուն ՝՝չմասնակցելու՝՝ մասին, այլ
առաջնորդներու նման,ինչպէս Գերմանիոյ վարչապետը Տիկին Մերքէլ նոյնպէս նաեւ Եւրայանձնաժողովի
նախագահը Խոսէ Մանուէլ Պարոզօ յայտարարեց : Իսկ Գերմանիոյ Արտաքին Գործոց Նախարարը
Կուիտօ Վեսթէրվէլլէ ՝՝սպառնաց՝՝ կասեցնելու Ուքրանիոյ համաձայնութիւնները ԵւրօՄիութեան
հետ։ Եուլիա Դիմոշենքօ դատապարտուած է եօթ տարուան ազատազրկման` պաշտօնական լիազօրութիւնները
չարաշահելու յանցանքով: Նշենք որ Human Rights Watch Մարդկային Իրաւունքներու Պաշտպան
Միջազգային Կազմակերպութիւնը իր կարգին կոչ ուղղեց Ուքրանիոյ կառավարութեան կատարելու
՝՝անկողմնակալ հետազոտութիւն մը՝՝ 20 էն- 21 Ապրիլի երեկոյան (մինչ Դիմոշէնքոն հիւանդանոց
կը փոխադրէին) անոր ենթարկուած ծեծի մասին ։