“Brezi Vojtila” në Tor Vergata për njëvjetorin e lumnimit të Gjon Palit II
Nesër mbushet një vit, që nga lumnimi i Papës së dashur Gjon Pali II. Ndërsa ne transmetojmë,
në Tor Vergata të Romës, mblidhen mijëra të rinj, që tashmë kanë hyrë në histori me
emrin “Brezi Vojtila” apo “Papaboys”, të cilët uten, duke kujtuar Papën polak. Janë
të rinjtë e Ditëve Botërore të Rinisë, njëra nga të cilat u zhvillua pikërisht në
Tor Vergata në Jubileun e vitit 2000, së bashku me Gjon Palin II. Shumë prej këtyre
të rinjve nga e gjithë Evropa, kthehen në këtë vend si murgesha, ose si meshtarë,
pasi ndjenë thirrjen e Zotit për jetën e shuguruar, pikërisht në ato ditë të takimit
me të Lumin Karol Vojtila. Mbrëmja e lutjes kryesohet nga kardinali vikar i Romës,
Agostino Valini.