Кс. Ламбардзі назваў тэракты ў Афрыцы “жудаснымі і дзікімі выпадкамі”
“Новыя тэрарыстычныя
напады, якія здарыліся ў Нігерыі, і таксама сёння ў Кеніі, падчас хрысціянскіх рэлігійных
цырымоній – гэта жудасныя і дзікія выпадкі, якія неабходна асудзіць з максімальнай
рашучасцю”, - адзначыў кс. Фэдэрыко Ламбардзі, кіраўнік Залі Друку Апостальскай Сталіцы
і дырэктар Ватыканскага радыё. Кс. Ламбардзі заклікаў да блізасці з ахвярамі тэрактаў
і супольнасцямі пакутуючымі ад актаў насілля, што здараюцца “менавіта ў той час, калі
яны мірна цэлебруюць веру, якая абвяшчае любоў і мір для ўсіх”. “Неабходна працягваць
падтрымліваць і ўмацоўваць усё насельніцтва, нягледзячы на рэлігійныя адметнасці,
каб яно не паддалося спакусе ўвайсці ў безвыходнае кола забойчай нянавісці”, - сказаў
кс. Ламбардзі. Тэрарыстычны акт ў нігерыйскім горадзе Кано абдыўся ў суботу 28 красавіка.
Група тэрарыстаў уварвалася на тэрыторыю ўніверсітэцкага гарадка і накіравалася ў
памяшканне студэнцкага тэатра, у якім адбывалася хрысціянскае набажэнства. Ад рук
злачынчаў загінула 15 чалавек, і некалькі дзесяткаў атрымалі раненні.
На наступны
дзень, у нядзелю 29 красавіка, невядомы чалавек кінуў гранату ў будынак касцёла ў
сталіцы Кеніі Найробі. У гэты час ў святыні адбывалася св. Імша. У выніку тэракта
загінулі некалькі чалавек, а дзесяткі атрымалі раненні. Падобныя тэракты адбываліся
ў кенійскіх гарадах Мтвапа і Мамбаса 31 сакавіка – злачынцы кідалі гранаты ў месцы
збору людзей і ўцякалі.