«Հայ Դատը Այսօր» Թէմայով Կլոր Սեղան Քուէյթի Մէջ :
Կազմակերպութեամբ Քուէյթի Հայ Դատի Յանձնախումբին, եւ հովանաւորութեամբ Քուէյթի եւ Արաբական Ծոցի Կաթողիկոսական փոխանորդ Գերշ.Տէր Շահէ Եպիսկոպոս Փանոսեանի, Ապրիլ 29-ին Քուէյթի Ս. Վարդանանց Եկեղեցւոյ մէջ տեղի ունեցաւ «Հայ Դատը Այսօր» թեմայով կլոր սեղան մը ։
Նախաձեռնութեան ներկայ էին՝ Քուէյթի մէջ Հ.Հ. լիազօր Դեսպան Տիար Ֆատէ Չարչողլեան, Քուէյթի մէջ Հայաստանի Հիւպատոս Արմէն Սարգիսեան,Ազգային Մարմիններու ներկայացուցիչներ եւ Քուէյթահայեր։
Կլոր սեղանի զրուցավարն էր Քուէյթի Հայ Դատի Ատենապետ բժ.Մանուկ Մանուկեան, զեկուցաբերներէն մէկն էր՝ Եւրոպայի Հայ Դատի Յանձնախմբի Ատենապէտ Գասպար Կարապետեան, որ զեկուցեց ՝՝հայ դատի եւրոպայի գրասենեակի աշխատանքներու՝՝ մասին, իսկ երկրորդը Երեւանի ՀՅԴ բիւրոյի քաղաքական հարցերու եւ Հայ Դատի Երեւանի գրասենեակի պատասխանատու Կիրօ Մանոյեան, որ ներկայացուց ՝՝Հայ Դատի Ռազմավարութիւնը՝՝ ան խօսեցաւ նաեւ ՝՝Հայ Դատի Յանձնախումբերու տարած աշխատանքներու՝՝ մասին։
| All the contents on this site are copyrighted ©. |