Ірландыя: новы законапраект накіраваны на зламанне таямніцы споведзі
Дапаможны біскуп Дублінскай
архідыяцэзіі Райманд Філд заявіў, што святары павінны і будуць захоўваць таямніцу
споведзі, якая можа апынуцца пад пагрозай у сувязі з новым праектам закона, які патрабуе
абавязковасці інфармавання ў любой сітуацыі аб выпадках сексуальных злоўжыванняў у
Ірландыі. “Таямніца споведзі непарушная, (...) і больш няма аб чым гаварыць”, - заявіў
біскуп Філд 26 красавіка ў інтэрв’ю газеце “Irish Independent”. Такім чынам, іерарх
аднёсся да заявы, зробленай напярэдадні ірландскім Міністрам юстыцыі Аланам Шаттэрам,
які паведаміў, што згодна з новым законапраектам, святары будуць забавязаны інфармаваць
аб выпадках сексуальных слоўжыванняў. У адваротным выпадку, ім пагражае да дзесяці
гадоў пазбаўлення свабоды.
Касцёльнае права абсалютна забараняе інфармаванне
каго-небудзь, у якой кольвечы форме, па якой кольвечы прычыне аб змесце споведзі.
Святар, які парушае гэта права, аўтаматычна падлягае экскамуніцы, якую можа зняць
выключна Апостальская Сталіца.
Міністэрства юстыцыі ў сераду заявіла, што права
святароў на таямніцу споведзі можа быць захавана ў грамадзянскіх справах. Але было
адзначана, што “ступень, у якой гэты прывілей можна адносіцца да крымінальных спраў,
застаецца нявызначаным”.