3 мая, з нагоды 50-годдзя
факультэта медыцыны і хірургіі імя Агосціно Джэмеллі Каталіцкага ўніверсітэта Найсвяцейшага
Сэрца, які месціцца ў Рыме, Бэнэдыкт XVI прыбудзе на сустрэчу з яго выкладчыкамі і
студэнтамі. У апублікаваным 27 красавіка паведамленні гаворыцца, што Папа звернецца
да студэнтаў і выкладчыкаў з прамовай. Трэба адзначыць, што падчас свайго пантыфікату
Бэнэдыкт XVI ужо пяты раз наведае медыцынскі факультэт і шпіталь імя Агосціно Джэмеллі.
“Яшчэ
раз Святы Айцец адорыць нас сваёй прысутнасцю і словам”, - сказаў прарэктар навучальнай
установы. Выказваючы падзяку Бэнэдыкту XVI, ён падкрэсліў асаблівую адказнасць, да
якой змушае ўвага з боку Пантыфіка, і абавязак лепш разумець і больш інтэнсіўна ажыццяўляць
ускладзеную на выкладчыкаў і студэнтаў місію, характэрную для каталіцкай навучальнай
установы, якой з’яўляецца Універсітэт Найсвяцейшага Сэрца.