Даследчыкі: атэізм – з амаль нулявога на Філіпінах да 46% ва Усходняй Германіі
Даследаванне рэлігійнасці,
праведзенае ў 30 краінах Нацыянальным цэнтрам апытанняў грамадскай думкі (National
Opinion Research Center) пры Чыкагскім універсітэце, паказала, што краіны з высокім
узроўнем атэізму і нізкім узроўнем глыбокай веры – гэта пераважна экс-сацыялістычныя
дзяржавы ў паўночна-заходняй Еўропе . Дадзеныя даследавання цытуе агенцтва “CWN” са
спасылкай “Reuters”. Краіны з нізкім узроўнем атэізму і высокім паказчыкам рэлігійнасці
– гэта ў асноўным дзяржавы з пераважна каталіцкім насельніцтвам, большасць якіх адносіцца
да краін, якія развіваюцца, адзначаецца ў паведамленні па выніках даследавання. У
той жа час, да высока-рэлігійных краін адносяцца таксама поліканфесійныя Злучаныя
Штаты, пераважна юдэйскі Ізраіль і праваслаўны Кіпр, адзначаюць даследчыкі.
“У
выпадку Польшчы здаецца, што яе моцны каталіцызм сфарміраваўся як рэакцыя на секулярны
ўплыў сацыялізму”, - мяркуюць аўтары даследавання.
“З 1991 г. па 2008 г. Ізраіль,
Расія і Славенія дэманстравалі паслядоўны рух да ўзмацнення рэлігійнасці”, - адзначаецца
ў даследаванні. У той жа час, 10 краін паказалі паслядоўнае зніжэнне яе ўзроўню: Аўстралія,
Аўстрыя, Усходняя Германія, Вялікабрытанія, Ірландыя, Нідэрланды, Новая Зеландыя,
Паўночная Ірландыя, Нарвегія і Польшча.
Глыбокая рэлігійнасьць складае максімум
на Філіпінах – 60%, і мінімум ва Усходняй Германіі – 2,5%. Найбольш палярным уяўляецца
ўзровень атэізму – з амаль нулявога на Філіпінах да 46% ва Усходняй Германіі, адзначаецца
ў даследаванні.