“Papal Foundation” правёў аўдыт Ватыканскага банка
Амерыканскія фінансавыя
эксперты былі вельмі задаволены візітам у Інстытуце рэлігійных спраў (IOR), вядомым
як Ватыканскі банк, паведаміў прэзідэнт амерыканскага “Papal Foundation” (Папскага
фонду) арцыбіскуп Вашынгтонскі кардынал Дональд Вюрл. Паслугамі Ватыканскага банку
Фонд карыстаецца ў сваёй паўсядзённай дзейнасці. Аўдыт кіраўніцтва амерыканскай установы
адбыўся з нагоды шторочнай пілігрымкі членаў фонду ў Рым. Падставай для візіту сталі
трывожныя навіны аб Інстытуце рэлігійных спраў, якія з’явіліся ў апошні час у сродках
масавай інфармацыі.
Кіраўніцтва “Papal Foundation” мела магчымасць вывучэння
ўнутраных структур і банкаўскіх дакументаў. Яно таксама азнаёмілася з вынікамі праверак,
здзейсненых незалежнымі арганізацыямі ў мэтах прывядзення ватыканскага інстытута да
стандартаў ЕС.
Па словах прэзідэнта Фонду кардынала Дональда Вюрла, амерыканскія
эксперты былі вельмі задаволены візітам у Інстытуце рэлігійных спраў. “Ватыканскі
бок змог прадэманстраваць свой прафесіяналізм і адпаведнасць міжнародным стандартам”,
- паведаміў Мітрапаліт Вашынгтонскі. Ён нагадаў, што Ватыканскі банк з’яўляецца вельмі
карысным інструментам Касцёла. Ім карыстаецца таксама “Papal Foundation”, які размяркоўвае
ад імя Святога Айца гранты і стыпендыі. У мінулым годзе іх агульны аб’ём перавысіў
8,5 млн долараў. Яны трапілі ў больш чым 30 краін свету.