Бэнэдыкт XVI: мастацтва як хвала Богу лягла ў аснову сачыненняў Мендэльсона
Кіраўнік сусветна
вядомага аркестра Гевандхауса з Лейпцыгу заявіў, што канцэрт для Бэнэдыкта XVI 20
красавіка – гэта вяршыня доўгай і слаўнай гісторыі аркестра. “Гэты канцэрт, - сказаў
Андрэас Шульц - з’яўляецца самай важнай падзеяй у гісторыі аркестра Гевандхауса”.
“Гэта неверагодная прапанова. Памятаю, калі я атрымаў запрашэнне ў кастрычніку 2010
г., быў настолькі ўражаны такім вялікім гонарам, што не мог паверыць, калі ўбачыў
факс з запрашэннем”, - прызнаўся дырэктар калектыва ў інтэрв’ю нашаму радыё.
Канцэрт
адбыўся ў Зале Паўла VI у Ватыкане ў гонар 85-гадовага юбілею Святога Айца, які ён
адзначаў на пачатку гэтага тыдня. Кіраваў нямецкім калектывам італьянскі дырыжор Рыкарда
Шайі. Аркестр выканаў 2 сімфонію Фелікса Мендэльсона “Lobgesang” (Гімн хвалы).
Пасля
канцэрту выступіў з прамовай сам юбіляр. Бэнэдыкта XVI адзначыў “традыцыі высокай
якасці выканання і бясспрэчную рэпутацыю” калектыва. Ён сказаў “сардэчны дзякуй” музыкантам,
хору і салістам. Папа падзякаваў за “вельмі дакладны шлях”, які абраў дырыжор у інтэрпрэтацыі
сімфоніі, праз якую “мы хвалілі і дзякавалі Пану за Яго дары”. Святы Айцец таксама
адзначыў, што Мендэльсон – папярэднік Шайі ў якасці дырыжора аркестра Гевандхауса
– выкарыстаў свой твор як сродак аддання хвалы Богу. “Мастацтва як хвала Богу, Вяршыні
прыгажосці, лягла ў аснову методыкі сачыненняў Мендэльсона, і не толькі ў дачыненні
да літургічнай і духоўнай музыкі, але ўсяго яго рэпертуару”, - заўважыў Бэнэдыкт XVI.
Андрэас
Шульц, адзначыў, што канцэрт быў вельмі асаблівым, бо Папа, як вядома, мае глыбокія
веды і любоў да музыкі. “Калі перад вамі адмысловы чалавек, як Святы Айцец, бо ў яго
Дзень нараджэння, і вы ведаеце, што ён настолькі блізкі да музыкі і мастацтва, гэта
на самой справе нашмат лягчый, бо гэта чалавек, які можа зразумець вас”, - падзяліўся
сваімі ўражаннямі дырэктар аркестра Гевандхаўса.