Бэнэдыкт XVI да членаў Папскай біблійнай камісіі: натхненне і праўда – фундаментальныя
для разумення Бібліі
“Сутнаснай і фундаментальнай
для жыцця Касцёла з’яўляецца інтэрпрытацыя біблійных тэкстаў згодна з іх прыродай”,
- адзначыў Бэнэдыкт XVI у пасланні да ўдзельнікаў пленарнай сесіі Папскай біблійнай
камісіі, якая праходзіць у Ватыкане 16-20 красавіка. Удзельнікі гэтай сустрэчы разважаюць
над зместам будучага дакумента, прысвечанага натхненню і праўдзе ў Бібліі. У сваім
пасланні Святы Айцец падкрэсліў, што “натхненне і праўда, з’яўляюцца складаючымі характарыстыкамі”
прыроды біблійных тэкстаў. Папа адзначыў таксама, што гэтыя характарыстыкі – фундаментальныя
для дакладнага разумення зместу біблійнага паслання. Бэнэдыкт XVI звярнуў увагу на
тое, што “кнігі Святога Пісання маюць сілу прамога і канкрэтнага закліку, але Слова
Божае не абмежавана толькі тым, што напісана”. Папа патлумачыў, што Слова “замацаванае
ў святых тэкстах не з’яўляецца інэртным скарбам Касцёла, але становіцца найвышэйшым
правілам яго веры і жыццёвай сілай”. “Традыцыя, якая пачалася яшчэ ад апосталаў, развіваецца
праз дапамогу Святога Духа і ўзрастае дзякуючы разважанням і даследванням вернікаў,
асабістаму вопыту духоўнага жыцця і прапаведванню біскупаў”, - сказаў Папа. Пантыфік
адзначыў каштоўнасць дзейнасці, якую ажыцяўляе Папская біблійная камісія, з мэтай
спрыяння веданню, вывучэнню і прыняццю Божага слова ў свеце.