Касцёл у Аўстрыі адзначае
станоўчыя вынікі сёлетняй акцыі “Аўтапост”. У ёй удзельнічала на працягу Вялікага
посту амаль 13 тыс. аўтааматараў з усёй краіны, якія абмежавалі паездкі на сваім аўто,
або ўвогуле адмовіліся ад яго выкарыстання. У параўнанні з мінулымі гадамі колькасць
захоўваючых “аўтапост” павялічылася на 8%. Было “зэканомлена” каля 8,7 млн. км або
запабегнута выкіду 1720 тон вуглякіслага газу ў атмасферу. Адна трэцяя ўдзельнікаў
далучылася да акцыі ўпершыню, паведамляе “Kathpress”.
Ініцыятыва, якая існуе
ўжо на працягу сямі гадоў, з’яўляецца “рэальным і эфектыўным укладам”, паведаміла
Хемма Опіс-Пібэр, прадстаўнік Касцёла па пытаннях захавання навакольнага асяроддзя.
Яшчэ адным важным аспектам акцыі з’яўляецца клопат аб здароўі: людзі высядаюць з
аўтамабіля і пачынаюць больш ездзіць на ровары ці хадзіць пехатой.
Удзельнікі
ацыі “Аўтапост” назвалі асноўныя матывы свайго ўдзелу ў ёй. 93% жадаюць падтрымаць
добрую справу, 98% зрабіць нешта для захавання навакольнага асяроддзя, 59% робяць
гэта па рэлігійных перакананнях.