Թուրքիոյ Մէջ Հետեզհետէ Կ՝իրականանայ Եկեղեցւոյ Ինչքերու Վերադարձը.
.Պոլսոյ պատրիարքութեան կը վերադարձուի երկու կարեւոր ինչքեր` Պիւյիւք Ատայի որբանոցը
եւ Իսթանպուլի Կալաթայի ճեմարանը։ 1920-1940 տարիներուն Թուրքիոյ կողմէ բռնագրաւուած
եկեղեցական հասարակութիւններու ինչքերու վերադարձը իր սեփականատէրերուն հետզետէ իրականութիւն
կը դառնայ։ Թուրքիոյ կառավարութիւնը Կ.Պոլսոյ պատրիարքութեան վերադարձուց երկու կարեւոր
ինչքեր` Պիւյիւք Ատայի որբանոցը եւ Իսթանպուլի Կալաթայի ճեմարանը։ Պատրիարքութիւնը
նախապէս դատ բացած էր Թուրքիոյ կառավարութեան դէմ, մարդու իրաւուքներու Եւրոպական ատեանին
մօտ, եւ 2010-ին դատը շահած էր։ Պիւյիւք Ատայի որբանոցը` Եւրոպայի փայտէ մեծագոյն շէնքը,
կառուցուած է 1898-ին։ Բարթողոմիոս Ա. պատրիարքի որոշումով այդ շէնքը պիտի դառնայ կեդրոնը
''Արարչագործութեան՝՝ յարգանքի միջազգային հիմնարկութեան։ Անիկա պիտի ծառայէ որպէս փնտռտուքի
ու հանդիպումի բնապահպանութեան վայր։ Իսկ Իսթանպուլի Կալաթայի ճեմարանը 1920 թուականին
եղած է գլխաւոր դպրոցներէն մէկը Փերայի քրիստոնեայ թաղամասին։ 1924-ին բռնագրաւուեցաւ
Աթաթիւրքի կառավարութենէն։ Յայտնենք որ Կ.Պոլսոյ պատրիարքութիւնը այլ երեք դատեր բացած
է կառավարութեան դէմ Իսթանպուլի պատմական երեք եկեղեցիներու վերադարձին համար, անոնցմէ
կարեւորագոյնը Գաֆայի Տիրամօր եկեղեցին։