Бэнэдыкт ХVI прызначыў новага Апостальскага нунцыя ў Азербайджане
14 красавіка Бэнэдыкт
ХVI прызначыў новага Апостальскага нунцыя ў Азербайджане. Ім стаў арцыбіскуп Марэк
Сольчынскі, які з’яўляецца таксама Апостальскім нунцыем у Грузіі і Арменіі. Кс. Марэк
Сольчынскі нарадзіўся ў 1961 г. у Польшчы. Святарскае пасвячэнне атрымаў у 1987 г.
З’яўляецца доктарам кананічнага права. У 1993 г. пачаў дыпламатычную службу ў Апостальскай
Сталіцы. Працаваў у Апостальскіх нунцыятурах у Парагваі, Расіі, Турцыі, Чэшскай Рэспубліцы
і Іспаніі, а таксама ў прадстаўніцтве Апостальскай Сталіцы пры ААН у Нью Ёрку. 26
лістапада 2011 г. Бэнэдыкт XVI прызначыў дыпламата тытулярным арцыбіскупам Цэзарэі
і Маўрытаніі, а таксама Апостальскім нунцыем у Грузіі, а 15 снежня ў Арменіі. 6 студзеня
2012 г. ў базыліцы св. Пятра Пантыфік асабіста ўдзяліў дыпламату біскупскую сакру.
Да прызначэння арцыбіскупа Сольчынскага на пасаду нунцыя ў гэтых каўказкіх краінах,
дыпламатычным прадстаўніком Папы тут быў арцыбіскуп Глаўдыё Гуджэроцці, цяперашні
Апостальскі нунцый у Беларусі.