Каля 1 млн. старонак кніг з Ватыканскай бібліятэкі перавядуць у лічбавы фармат
Каля міліёна старонак
старажытных кніг і манускрыптаў з Ватыканскай Апостальскай Бібліятэкі будуць алічбаваныя
і ў такім выглядзе стануць даступны чытачам. Гэта старажытныя экзэмпляры Новага Запавету
і творы Айцоў Касцёла, “Біблія” Гутэнберга, старажытнагрэцкія і старажытнаюдэйскія
манускрыпты, трактаты аб літургіцы, філасофіі, медыцыне і астраноміі. Рэалізацыя такога
маштабнага праекту стала магчымай дзякуючы мецэнацкай падтрымцы “Polonsky Foundation”
– англійскай арганізацыі, якая імкнецца аблегчыць доступ да шматлікіх скарбаў бібліятэк
свету. Паводле папярэдніх падлікаў, на рэалізацыю праекта неабходна пяць гадоў.
Сярод
кніг, якія будуць пераведзены ў лічбавы фармат, асабліва каштоўнымі з’яўляюцца інкунабулы
– кнігі, выдадзенныя ў Еўропе ад пачатку кнігадрукавання да 1501 г. Гэта вельмі рэдкія
выданні, бо выходзілі тыражом усяго 100-130 экзэмпляраў. Дзякуючы лічбавым тэналогіям
стане даступным, напрклад, трактат “De Europa” папы Пія ІІ, вялікага аматарара літаратуры
і паэзіі, а таксама лацінская “42-х радковая Біблія” вынаходніка кнігадрукарства Іагана
Гутэнберга.
Акрамя таго, будзе алічбавана вялікая калекцыя старажытнагрэцкіх
манускрыптаў з творамі Гамера, Сафокла, Платона, Гіпакрата, а таксама ўпрыгожаныя
візантыйскімі мініяцюрамі экзэмпляры Новага Запавету і творы Айцоў Касцёла.
Усяго
ў Ватыканскай Апостальскай Бібліятэцы захоўваецца каля 80 тыс. манускрыптаў і каля
9 тыс. інкунабулаў. Гэта адна з самых вялікіх калекцый у свеце. Першыя кнігі з фондаў
бібліятэкі былі пераведзены ў лічбавы фармат у 2010 г.