13 - 15 Ապրիլ Իտալիոյ Աքուիլէա Քաղաքին Մէջ Տեղի Կ՛ունենայ Իտալիոյ Հիւսիս - արեւելեան
եկեղեցիներուն Յատկացուած Համագումար։
<< Սուրբ Հոգւոյն` Հիւսիս - արեւելեան եկեղեցիներուն ուղղած պատգամի ունկնդրութիւնը>>
13 - 15 Ապրիլ Իտալիոյ Աքուիլէա Քաղաքին Մէջ` Իտալիոյ Թրիվէնէթօ շրջանի եպիսկոպոսներու
նախաձեռնութեամբ տեղի կ՛ունենայ եկեղեցական, Աքուլիլէա Բ անունով, համագումարը յատկացուած
իտալիոյ Հիւսիս - արեւելեան եկեղեցիներուն 15 թեմերու հաւատացեալներուն։ Աքուիլէա
Բ համագումարը կը յաջորդէ, 22 տարի առաջ, 1990 -ին միշտ Աքուիլէա քաղաքի մէջ գումարուած
եկեղեցական Առաջին համագումարին։ Այս համագումարով իտալիոյ Հիւսիս - արեւելեան եկեղեցիները
կ՛ուզեն խորհրդածել թէ ինչպէս կարելի է այսօրուայ հասարակա-մշակութային բնակարգէն ներս
աւետել Քրիստոսի Պատգամը ։ Աքուիլէա Բ Սիւնհոդոսական բնոյթ ունեցող համագումար մըն
է որուն ընդմէջէն Սուրբ Հոգին կը խօսի եկեղեցիներուն եւ անոնց նեցուկ կը կանգնի որպէսզի
աճին` հաղորդակցութեան եւ փոխադարձ համագործակցութեան մէջ։ Աքուիլէա Բ համագումարը
ունի որպէս կէտնպատակ <<վկայել վերջին 20 տարիներու կեանքի փորձառութիւնը եւ ծրագրել
նոր հովուական ձեռնարկներ` միասնաբար համագործակցելով ու նորոգելով Քրիստոսի Պատգամը,
Աւետարանի քարոզչութիւնը եւ Հաւատքի դաստիարակութիւնը։