Мараніцкі іерарх аб вялікіх чаканнях ад візіту Папы ў Ліван
Апостальскі вікарый
Антыяхійскага Патрыярхату для католікаў мараніцкага абраду арцыбіскуп Хайфы і Святой
Зямлі Пол Набіль Саях адзначыў вялікі энтузіязм ліванскіх вернікаў у сувязі з візітам
Папы 14-16 верасня 2012 г. у краіну. У інтэрв’ю нашаму радыё іерарх распавёў аб тым,
што візіт Святога Айца ў Ліван прынясе пазітыўныя вынікі як для Касцёла, так і для
краіны. Ён выказаў меракаванне, што Папа закліча ліванскія хрысціянскія супольнасці
да аднаўлення і дыялогу паміж сабой.
“Гэтага паслання мы вельмі патрабуем,
асабліва сёння, не толькі ў нашым рэгіёне, але ва ўсім свеце. Візіт Святога Айца мае
адмысловы характар: Бэнэдыкт ХVI прыбудзе, каб перадаць нам паслясінадальную адгартацыю,
вынік яго разважанняў аб Сінодзе Біскупаў для Блізкага Усходу. Дакумент надасць яшчэ
большы дынамізм дзейнасці не толькі Касцёла ў Ліване, але каталіцкай супольнасці ўсяго
рэгіёну, бо гэта быў менавіта Сінод для Блізкага Усходу. Існуюць вялікія чаканні адносна
Апостальскай адгартацыі ў вырашэнні сітуацыі хрысціян у рэгіёне, а таксама палітычных
пытанняў”, - адзначыў іерарх.
Мелькіцкі арцыбіскуп Хайфы і Святой Зямлі падкрэсліў,
што ў дакуменце шмат месца прысвячаецца моладзі, бо менавіта на яе спадзяецца Касцёл
у працэсе свайго аднаўлення.